SPD4459 其實識食熱狗 就一定係唔只只係識叫法蘭克福腸 If you are a pro of eating hot-dog, you should know there is not only Frankfurt Sausage

香港人對於熱狗既認知通常都係「車咪又係求其一條法蘭克福腸/司華力腸加茄汁加芥辣」，但我今日就等我話你知，咁諗係絕！對！錯！架！食熱狗其實都十分之講究，除左要考慮本身喜愛既口感同味道之外，仲要講求本身腸同醬既濃淡程度既配合。至於今日，就等我介紹下幾種熱狗界比較常見既腸比唔常食熱狗既朋友認識下先啦！

白牛仔腸 Veal Chipolata Sausage

白牛仔腸係一種非常出名既德國香腸，佢用牛仔肉及多種香料整成，由於用牛仔肉整成，所以顏色唔似一般牛肉呈紅色而係白色。幾好食架，濃郁得黎又幾Juicy，肉質爽脆，燒完之後又無一般腸咁油膩，夾落熱狗到食我建議可以落番淡味少少既醬，好似藍芝士醬。

紐倫堡腸 Nuernberger Sausage

紐倫堡腸都係德國野黎既，但係佢就係威在號稱最岩做熱狗既一種腸，絕對係不可不吃。佢外型屬於小巧型既香腸，比其他腸細左成個碼。雖然大就唔夠人大，但係紐倫堡香腸正在就係味道相當重，擁有一種好獨特既香味，有興趣既朋友可以試下，包你上癮！依隻如果我食，一定係配番醬王Honey Mustard！

墨西哥辣腸 Chorizo Sausage

墨西哥辣腸係以墨西哥惹味香料配以新鮮豬肉而製成。佢只有70％瘦肉，另外30%就係一堆混合左紅辣椒、醋、大蒜粉、辣椒粉同其他香料整成，真係諗起都過癮！中意食辣既朋友一定無得錯過啦。夾落熱狗到食，我就建議落番辣汁，跟住再係上面加層芝士或者肉醬，真係諗起都爽到暈。

辣味羊肉腸 Lamb Merguez Sausage

嘩依隻就真係堅有料，同時都係一種好少有既法國香腸。由於依隻腸出自法國南部，而該地接近非洲，所以就有依隻咁有異域風情既腸出現啦。係熱狗界多數既腸都係由牛、豬、雞肉製成，所以其實依隻羊肉腸係極為特別。食落口會有種好阿拉伯既感覺(原諒我，一講羊肉只係會諗到阿拉伯)，夾埋多種香料既味道，都幾爽。中意食羊肉既朋友快Ｄ試下啦！


今次介紹住4隻先，下次再黎過！