上一回講到食回教菜/清真菜，唔知大家有冇真係被燒到即刻約埋成班朋友狗衝去試下個牛肉餅呢？
又黎到同大家講經既時候，食完啲咁富有宗教色彩既菜餚，我諗大家都應該好想了解一下回教菜既背景喇！
回教徒有著獨特既飲食文化同習俗。首先解釋下「清真」呢兩個字先啦。「清真」係指一啲符合伊斯蘭教規條可以食用既食物。
另外大家又知唔知點解回教徒唔食豬肉呢？ 其實原因好簡單，回教徒認為豬係污穢唔乾淨既動物，所以基於衛生同健康既考慮之下，回教徒就主張禁止食豬肉，佢地甚至連煮野食既油都唔可以係豬油。所以大家都可以清楚係餐牌上係絕對唔會出現豬肉既字眼。
虔信既回教信徒除左唔食豬肉外，佢地對一啲未依規定程序宰殺得來既肉類，都會拒絕用其黎煮餸。有樣野我覺得幾有趣既就係回教徒所食用既肉類，係屠宰時係需要念誦可蘭經的經文，而且屠宰的刀上也需刻有經文，用意係要潔淨食物。
回教徒唔食豬，咁佢地究竟會食咩呢？一啲回教餐廳主要會用牛、羊、雞同魚作為主要烹調佳餚既材料，聞名既菜式就例如烤全羊，涮羊肉等。
Photos credited to qianggen.com
分享住咁多先啦，希望大家睇完呢篇之後對清真菜會有進一步既認識！我覺得我地除左用心享用唔同地方菜餚既同時，其實都要了解、欣賞及尊重每個地方既飲食文化，咁樣先係真正既食家！
沒有留言:
張貼留言
Leave us a comment!