SPD4459 「延伸文章」北帝街與北帝廟 Pak Tai Street and its Temple

每篇食評之後小編都會寫一篇延伸閱讀

與讀者進一步地分享更多

今次分享的是位於土瓜灣的「北帝古廟」

此廟宇建於１８７６年，現時屬三級歷史建築

本來廟中的北帝像於１９２１在一次城市擴展工程中存於譚公道

後來係１９２９年搬到現時地址，但事實上廟宇的位置並不處於北帝街

而是位於馬頭圍道（１４６號）

（上圖紅線為北帝街，紅圈為北帝廟）

在該廟一帶亦有另一道路名為北拱街

街名取自於「受北帝拱衛的地方」，可見中國人命名確有其特別技巧

而係香港，北帝廟亦非只此一家

在長洲及灣仔都有其分支

（灣仔北帝廟）

（長洲北帝廟）

長洲北帝廟，又名玉虛宮，廟內還有其他神佛供善信拜祭

長洲太平清醮期間，廟內場面香火頂盛，廟前更有搶包山等活動

所謂「拜得神多自有神庇佑」，去開土瓜灣食野既，不妨出往，添多少香油，善哉善哉

All of the above photos credited to Google and Apple Daily HK

SPD4459 [土瓜灣] 最後一道的新疆菜 Suggesting the last dragonfeast in Shinjang Style

事隔多日，小編再同大家見面

之前兩次都介紹了小吃之類，有朋友向我表示公和的豆品係真係好味

但曲奇餅就可圈可點，咁都冇所謂啦，當試下都開心
（亦證明以上食評唔係為寫而寫／打手）

今次想同大家介紹既係正餐，位於土瓜灣近何文田的一間新疆菜館

遺憾小編的手機在進餐之後用光了電池

所以沒有拍下內裡裝修／外牆

因此借用了蘋果日報圖片於０４年１１月拍下的照片一用

門口位置設計以泥土色為主，甚有格調

頭頂「大漠」二字亦清晰可見，基本上走入北帝街街頭就可見到

坐低之後，看過餐牌就點菜

幸好同行友人都喜好羊肉，點的菜大多有羊（如果唔鐘意食羊可以轉牛肉的）

然而點菜時侍應都有介紹不同菜式，最尾仲會問我地要唔要小辣，很體貼

佢地誠懇既態度為晚飯既體驗加唔少分～

是次進餐點了烤羊串，羊肉芝士薄餅，芝士西蘭花等等，全部都好大份好足料

如果唔太肚餓既話可能要考慮下叫少一兩道菜

飲料方面就點了青檸梳打同酸奶，梳打味道不錯而且夠氣

但小編不好奶類，沒多品嚐，友人則表示可以一試的

上圖右上為烤羊串，大份夠飽，隔離仲有辣粉等調味，非常過癮

右下為牛肉麵

青檸梳打開胃解渴，杯中配有燈飾一粒

上圖左為薄餅，右為芝士西蘭花，兩款都是侍應小姐介紹

小編認為薄餅不油膩，但味道亦夠濃，又夠大片，可算係必食推介

西蘭花除左太多芝士太熱之外，都冇乜缺點，不妨一試

點了四道菜，埋單三百多元，單計價錢可能比起其他食店遜色

但如果以「性價比」角度出發，三百幾蚊算係抵食啦。喜歡食羊既朋友可以黎呢度試下呀！

大漠

有料指數(5個♥為最高)

味道 ♥♥♥♥

環境 ♥♥♥♥

衛生 ♥♥♥

服務 ♥♥♥♥♥

抵食 ♥♥♥♥

營業時間：星期一至日 中午十二時至二時　晚上六時至十時

地址：土瓜灣北帝街２７號Ｃ地下

電話：２７１４４４８３

路線：在銅鑼灣乘坐九巴１１６，在洋葵樓站下車

下車後往紅磡方向走，向左第一個燈位轉入

轉入後往右走，進入北帝街街頭

Photo credited to appledaily.

SPD4459 [紅磡] !!!最後數小時 之 新川美食 The last few hours: Sichuan & Yunnan Style Noodles

Aloha~

呢個幾月，我地Dragon Feast大大話話都介紹左數十間九龍城區既野食比大家

有平有貴、有甜有鹹、有好食有劣食、有正餐有小食仲有「口立濕」
黎到差不多尾聲之時，
其實我地仲有貨想分享!!!

嗱
講到食米線

響香港生存既年青人
十個有十一個都講「譚仔雲南米線」

我地SPD4459 DragonFeast 又點會咁簡單

(登登登登)要試食既就係呢間牌頭青BB既 新川美食

指定動作 附上餐牌一張

佢特別就特別在有好大自由度

想有湯又有湯、唔想有湯又可以食撈麵

想食米線又有米線、唔想食米線又可以食米粉薯粉拉麵喎

佢仲抵死到薯粉都有粗幼你揀

成十幾廿種餸 辣度又分成6、7級 

呢舖真係任君選擇

不過呢...今次有少少唔同
由於時間關係，筆者當日只係買左外賣返去吃 

豬頸肉紫菜撈米線小小小辣($31)
p.s. 附送炸醬

真係sorly...個麵俾我撈得自然左少少
但真心想同大家分享唔洗拍撈完乾爭爭 

見佢咁有colour就知其實食落都好有味道架

新川美食

有料指數(5個♥為最高)

味道 ♥♥♥♥
服務 ♥♥♥
抵食 ♥♥♥♥

地址 Address：
紅磡必嘉街93號黃埔唐樓C104鋪
Shop C104, G/F, Whampoa Building, 93 Baker Street, Hung Hom

營業時間Business Hours: 星期一至日Everyday 11:30am-10:30pm

電話Tel: 2364 2788

SPD4459 [九龍城] 深夜甜品放送－小方糖甜品 Sugar Desserts

食完正餐再去甜品糖水直落係基本啦！其實除左係味覺既享受之外，食甜品糖水既環節仲係一堆朋友約會完傾到唔捨得走既另一蒲點，可以俾大家有個地方繼續吹水。

今次我同友人又黎到九龍城覓食，上次食左傳統糖水，今次就黎個西式甜品啦！

Photo credit to Openrice

Photo credit to Openrice

Photo credit to Openrice

睇見個餐牌都流哂口水，睇完一輪之後我地叫左3款甜品

由於太掛住台灣既芋圓，所以見到有芋圓既甜品就即刻狗衝叫左先

呢度食芋圓係就係無咁正宗架喇，但口感同味道都可以接受，係唔夠煙韌。椰汁底加埋涼粉中和返整體上唔算太甜，啱哂我口味！

由於唔食得芒果既關係，我地叫左個士多啤梨窩夫。暖暖既窩夫混合冰凍既雪榚再加埋脆卜卜既栗米片口感真係世界級地複雜但又幾好味。

最後附送一個睇得唔食得既，但好想食既芒果拿破崙 (真係眼淚在心中流 T_T )

從友人口中既描述就知道有幾正：芒果好甜，個底好鬆脆

呀！！好想食呀，下次再去一定要叫黎食

其實呢個分量夠哂大，如果你都想知佢有幾好味既就約埋身邊既吃貨去試下啦！！

有料指數 (5個♥為最高)

味道 ♥♥♥♥

環境 ♥♥♥

衛生 ♥♥♥

服務 ♥♥♥

抵食 ♥♥

地址 Address: 九龍城龍崗道23號地下 G/F, 23 Lung Kong Road, Kowloon City 

營業時間 Business hours：星期一至日 Everyday 15:00p.m - 02:00a.m.

Tel： 6176 0668

SPD4459 [紅磡] OPPS 11月雷品--黃埔韓食時代

嘩！

專誠落紅磡食時新 好彩到撞正裝修 

好 ！ 我11號先食你 ！

誤打誤撞入左間韓食

吸引我入去原因 只得一個

撞正lunch hour貪佢$50搞店

你知平時閒閒地一個KIMCHI餅都$70

唔知我以為入面有金箔

BUDDY 睇下有咩岩食先 :P

食韓野少不得前菜LA

有醃蘿蔔  泡菜 同魚糕串凍食

別講笑 魚糕串真係接受不了凍食 又硬又腥

其他都十分一般  都吃剩了 

見今日得18度 凍凍地

就叫左個

1.什錦滑豆腐湯配飯

完全無平時食韓野的味道 (CRY DIE)

UMMM 佢又好誠實改個名叫什錦

味道都幾什下

不!好！吃！

如果佢用返普通碗

真係覺得自已係屋企什煮一鍋吃

無!韓!味!

翠玉瓜好直情翻滾左7 7 49日林到傻

2.牛肋骨湯配飯

呢個都係一般般只得牛GE肥味

唔知你明唔明咩係肥味

埋單見佢又計返正價

唔緊LA可能星期六無LUCNCH優惠

只可以話

 雷！品！無！TAKE！TWO！ 

唔講住`食番好野安慰下心靈先

咒恕MODE

有料指數 (5個♥為最高)

味道 ♥♥

環境 ♥♥

衛生 ♥♥♥

服務 ♥♥♥

抵食 ♥♥

地址: 九龍紅磡黃埔街32號地鋪

電話:34821015

SPD4459 [紅磡] 係紅磡食冰室？梗係食紅冰啦！

通常係紅磡講起冰室，大家都只係會諗起文華冰廳依間幾十年既老字號。但係而家唔同啦，紅磡都開始有冰室新貴，佢就係紅冰，紅磡冰室啦！

Photo credit to Openrice

廢話少講，馬上睇下佢最出名既下午茶既餐牌先！

Photo credit to Openrice

拿，講真，識食一定係食雞翼加炒蛋，所以小弟九秒九叫左姐姐過黎幫小弟整個B餐！期間問道姐姐咩叫奶油酥，佢話唔答我但好推介我試，話一定有驚喜，小弟心諗要加8蚊梗係推介架，但本住你好我好大家好既精神，同時懷住8蚊趺左當餵狗既心態，小弟笑容滿面咁同佢講：加！你咁講到！一定加架！跟住就係等待既時間啦。

野食一黎，嘩好有驚喜喎個奶油酥！原來佢以係奶油多既整法，但用左係牛角包到！除左有本身奶油多好感動既味道之外，仲多左牛角包鬆脆可口既口感，令整體感覺有著質變既升華！再黎就係講炒蛋，我客觀地覺得佢個炒蛋拍得住澳牛華星，什至有過之而無不及！當然啦，依D就好主觀既。而最令我唔驚喜但又好好食既就係個面啦，最中意重口味野既我依個當然係我飛佛，因為佢既味道真係超濃郁！順帶值得一提既就係杯檸茶，茶清檸香，絕對係茶餐廳中一流既檸茶之一！

紅磡冰室

有料指數 (5個♥為最高)

味道 ♥♥♥♥♥

環境 ♥♥

衛生 ♥♥♥

服務 ♥♥

抵食 ♥♥♥

地址: 紅磡明安街25號地下

前往方法:

1. 從尖沙咀漢口道搭乘6號小巴，在紅磡火車站後一站下車，過馬路往直走便能抵達。

2. 從紅磡港鐵站B出口，沿隧道行走至往紅磡區行人天橋，直走到橋尾，下樓梯後轉右走直至看到百勝酒家，再往前走看到家興超級市場即可抵達。

SPD4459 比劣食更劣食－世說壽司

仲記得個陣小弟幫緊自己一位讀緊小學既學生補習既時候，佢好驚訝同不能置信咁比左以下依篇新聞比我睇，紐約午餐肉壽司拼炒飯售千元　http://hk.apple.nextmedia.com/international/art/20140404/18678900，跟住同我講"阿sir阿sir，原來午餐肉都可以拎黎整壽司架？美國人係咪傻架，咁都會有人走去買既？仲要咁貴！"

我不禁輕笑了一下，語氣沉重咁同佢講："少年，你還是太年輕了，比起明將，美國佬依D野又算得係D咩呢？"望住佢一臉不解，我不禁嘆了一口氣，都係既，而家連明將都轉左型，咁新一代又點會認識依位傳奇呢？我唯有向佢擺一擺手，「你唔明架啦！」，表情落寞得就好似當年阿爸同我講以前港紙幾好洗個樣一樣，一樣咁寂寥，一樣咁孤單。

明將，劣食界既一哥，以「港式壽司」馳名中外，款式新穎而匪夷所思。明將擅長以港式食物及非魚生食物融入日式壽司，好似有可樂糖、鹹魚、啫喱、梅菜扣肉、午餐肉、薯條、棉花糖等等，只有你諗唔到，無佢做唔到，強而有力咁向大眾證明左想像力對於人類進步係有幾大既作用。佢出既款式，真係連香港人都跟唔到，因為真係太犀利，因此經常有人組團去挑戰，惹起飲食界一輪腥風血雨，從而造就左另一號王者。

啫喱壽司

白飯壽司(依個真係世界級)

鹹魚壽司

最後就係大佬，紅豆軍艦壽司.....

而如今明將已經重新轉型，改名為韓日燒自助餐廳，明將之威，告一段落。
一代傳奇，就此隕歿，實教人唏噓不已。

SPD4459 [紅磡] 識係紅磡食平價日本野 一定係食風！神！

話說小弟由好細個開始已經好中意食日本野，但細個邊有咁多錢買貴價日本野食丫，所以只有睇住d壽司阿刺身阿望而生嘆。但到左中學時期，一切就突然起左變化，就係因為佢，風神！

風神，全名都係風神，號稱紅磡區壽司既清泉，Poly學生既救星(因為Poly學生有長期折扣)，以及小弟既御用飯堂。佢依到玩法就係外賣既，當然你都可以堂食，但唔正路囉。

小弟最欣賞既就係佢既環境，感覺好乾淨，你知啦食日本野最驚就係唔衛生，而佢採取開放式廚房同埋純色裝修既做法就正正係想話比你聽：come on we are freaking clean! 

好啦重點終於黎番最重要既野食啦！先講價錢啦，叫得做飯堂既當然唔貴得去邊啦！最平其實三蚊已經有交易，仲要有好多選擇，例如三文魚(is基本)，墨魚，種種軍艦等。Poly學生係到買野仲有九折，換言之你可以以2.7蚊既價錢就買到一舊壽司啦，係咪抵先！而小弟就最中意買既就係依隻28蚊10件既三文魚set(因為我係用壽司當飯食的所以一定要食多D)，用埋Poly卡只係25蚊，邊到搵阿！講番壽司本身既味道，其實以依個價錢都相當之唔錯，算係魚有魚味咁囉。值得一提既係買依種盒裝三文魚壽司最緊要識簡，有時執到D腩邊位黎食(最易分既方法就係佢會帶住D好似魚鱗咁既銀邊，但其實唔係魚鱗黎)，咁就爽啦因為真係好好食，絕對係蔗渣價錢，燒鵝味道！

(依盒好明顯唔係腩邊，不過都ok，通常白色部份愈多愈好食）

今日小弟買左以下咁多樣野，仲有值得推介既就係個個燒魚皮(樓下黑黑地色個舊)！佢係將原本生既三文魚皮連肉燒到半生熟，口感同味道都一流，worth to try ！

邊間鋪都有佢既招牌菜，而我覺得風神既招牌菜一定係佢－厚切三文魚腩壽司！佢依D好明顯就係走重劍無鋒，大巧不工既路線，一個字，厚！令你難以抗拒想食佢既衝動，因為實在太吸引啦！

風神

有料指數 (5個♥為最高)

味道 ♥♥♥♥

環境 ♥♥♥♥

衛生 ♥♥♥♥♥

服務 ♥♥

抵食 ♥♥♥♥

地址: 紅磡必嘉街83號地下

前往方法:

1. 從尖沙咀漢口道搭乘6號小巴，在紅磡火車站後一站下車，過馬路往直走便能抵達。

2. 從紅磡港鐵站B出口，沿隧道行走至往紅磡區行人天橋，直走到橋尾，下樓梯後轉右走直至　看到百勝酒家，再往前走即可抵達。

SPD4459 (頌親恩) 白肺費力不白廢

上期講到勝利小廚憑住一盅白肺湯TEASING ME

令我諗起細個老媽都煲過

也許當時年紀小

生得矮過個火爐

睇唔透個制作過程

好啦 依家大個仔

勉強高過廚櫃

終於可以玩火

諗住上網搵教學黎個DIY

一睇先知原來難過七年滋養

咁啦 講係冇用

去片!!!

Video credit to YOUTUBE.

SPD4459 ［何文田］遊樂行勝利道 Irreplacable tasty on Victory Avenue

唔怕生壞命，最怕改壞名。

今期黎食既呢一間未入去都知贏左一半。

佢係乜？佢就係勝利小廚。

 

相信大家講飲講食都會搵open rice，如果你盡信open rice既話，未必係歸底之中尋到寶物! 

言歸正傳，到底呢一間不為網友所動既食店有咩咁特別呢？

答案就係三個字：出街食住家飯！

係門口睇到是日例湯：杏汁燉豬肺。

當刻就好似見到高海寧一樣，實在忍唔住想衝入去，簡直係麻男甩仔人既夢想!

 入去一坐低，店員仲快過保特，用9秒9既時間衝埋黎問我食乜。

主打中泰美食

嗚呀！我就答要個倒湯，心唸點解我嗌完佢都未take action，先發現原來係要搭飯既。

於是乎，我就用小學雞選擇方式選左餐牌上張圖最大張既野食。就係......

1. 海南雞飯

2. 滷水豬髀飯

依兩個飯相信大家都唔陌生, 唔多介紹. 值得一讚就係豬髀飯七分瘦三分肥兼食落冇味精, 食完完全冇灌水既衝動!

食完飯, 戲玉黎啦喂, 我最期待既湯出現喇!

識睇一定睇得出個湯係原盅上, 而唔係係個大煲"筆"出黎既!

試味試味, 清甜足料, 完全有呀媽湯水9成感覺!

又有得飲入屋靚湯, 又唔駛麻煩洗豬肺, 勝利果然NEVER LOSE!

勝利小廚

有料指數(5個♥為最高)

味道 ♥♥♥♥♥
環境 ♥♥♥♥
衛生 ♥♥♥♥
服務 ♥♥♥
抵食 ♥♥♥♥

地址 Address：何文田勝利道4號地下 G/F, 4 Victory Avenue, Ho Man Tin

 

電話 Tel: 2760 0033
營業時間 Business hour：星期一至日 11:00 p.m - 23:30 a.m