一般在香港生活或是到港旅遊的人，想到手信都會受主流媒體影響
偏向選擇某幾品牌的糕餅（香港當然還有不少種類的「手信」）
而今次小編我就想同大家分享另類少少，冇咁主流
自用送禮都適用既小食：曲奇餅
正如剛才講到糕餅，由於香港有幾個大品牌長期做大型宣傳
想搵其他品牌可能要花少少時間周圍走下搵下
小編在上次「公和」附近就搵到一間唔錯既餅店
「曲奇四重奏」
店舖位於街頭，上次分享的小巴路線係街尾落車，不過都係行多兩步就到啦～
同樣都係沒有外伸的燈箱，但採用了兩盞大射燈照住個名堂，從外望入亦感受到曲奇的氣味
門口直入後靠右會有一圓桌，擺放左各款既雜餅，亦有招牌蝴蝶酥，小編怕甜而沒選蝴蝶酥
其他雜餅賣相不俗，多款口味任君選擇
而雜餅亦不只是雜餅，更有其主題可言（如上圖右行一二有小牌寫上生日快樂）
有些餅類更在表面加上笑容圖案，相信可以吸引不少女士
餅類選擇眾多，雙眼橫掃少則有十多廿款，花多眼亂，一時「心大心細」
店內職員即時上前來請我試吃餅干，非常細心照顧客人
口味以外，客人還可以選擇高纖低糖等special order，適合有糖尿病問題的客人
在收銀機附近亦有其他選擇，有些是婚禮回贈的禮品，內裏可選一般餅類或是酥餅
下圖為試吃餅干的小樽
小編到達之時有另一位女客人選了六盒藍莓味的曲奇，正在結帳離開
當我一嚐其味道，第一口的藍莓曲奇令我有一種驚奇(amazed)既感覺
其藍莓香味在口內一直徘徊，真正做到有齒頰留香既餘韻
八十二元一盒的曲奇能夠做到有此等味道可算是抵吃之至
小編作為男性，此刻覺得「半打」曲奇，點夠食呀？
然而此次分享其中一個主旨是非主流
所以我選了一盒朱古力伯爵茶口味曲奇
伯爵茶就是英文的earl grey tea，為英國人午茶之時間必飲一環
試過藍莓口味之後，對此店餅類有了期望
而我買的一盒亦不令我失望
甫一打開發現有接近二十塊餅，八十二元有如此多的高質餅干，小編好不歡喜
所謂「曲奇餅者，脆也」，咬起沒有「軟淋淋」
味道方面，朱古力味不會搶走伯爵茶味，兩者兼顧得而。
細味起來更發現曲奇裏頭有相信是伯爵茶的茶葉，簡單而言：「足料」
小編平日不好小吃，而是次的曲奇亦令我不得不豎起拇指讚好
假如你不想太馬虎的到百貨公司買大品牌，信我，一定係「曲奇四重奏」
曲奇四重奏
有料指數(5個♥為最高)
味道 ♥♥♥♥♥
環境 ♥♥♥♥
衛生 ♥♥♥♥♥
服務 ♥♥♥♥
抵食 ♥♥♥♥♥♥ (小編貪心，另多加自己的♥給滿分，不過份吧)
營業時間：星期一至日 上午十一時至晚上九時
地址：九龍城獅子石道九號A地下
電話：２３８２２８１７
路線：九龍塘站Ｂ（出口轉右）／Ａ２（出口轉左）出口
小巴２５Ｍ（往東頭村）於衙前圍道與獅子石道交界落，落車之往太子道西前行
沒有留言:
張貼留言
Leave us a comment!