SPD4459 (頌親恩) 白肺費力不白廢

上期講到勝利小廚憑住一盅白肺湯TEASING ME

令我諗起細個老媽都煲過

也許當時年紀小

生得矮過個火爐

睇唔透個制作過程

好啦 依家大個仔

勉強高過廚櫃

終於可以玩火

諗住上網搵教學黎個DIY

一睇先知原來難過七年滋養

咁啦 講係冇用

去片!!!

Video credit to YOUTUBE.

SPD4459 ［何文田］遊樂行勝利道 Irreplacable tasty on Victory Avenue

唔怕生壞命，最怕改壞名。

今期黎食既呢一間未入去都知贏左一半。

佢係乜？佢就係勝利小廚。

 

相信大家講飲講食都會搵open rice，如果你盡信open rice既話，未必係歸底之中尋到寶物! 

言歸正傳，到底呢一間不為網友所動既食店有咩咁特別呢？

答案就係三個字：出街食住家飯！

係門口睇到是日例湯：杏汁燉豬肺。

當刻就好似見到高海寧一樣，實在忍唔住想衝入去，簡直係麻男甩仔人既夢想!

 入去一坐低，店員仲快過保特，用9秒9既時間衝埋黎問我食乜。

主打中泰美食

嗚呀！我就答要個倒湯，心唸點解我嗌完佢都未take action，先發現原來係要搭飯既。

於是乎，我就用小學雞選擇方式選左餐牌上張圖最大張既野食。就係......

1. 海南雞飯

2. 滷水豬髀飯

依兩個飯相信大家都唔陌生, 唔多介紹. 值得一讚就係豬髀飯七分瘦三分肥兼食落冇味精, 食完完全冇灌水既衝動!

食完飯, 戲玉黎啦喂, 我最期待既湯出現喇!

識睇一定睇得出個湯係原盅上, 而唔係係個大煲"筆"出黎既!

試味試味, 清甜足料, 完全有呀媽湯水9成感覺!

又有得飲入屋靚湯, 又唔駛麻煩洗豬肺, 勝利果然NEVER LOSE!

勝利小廚

有料指數(5個♥為最高)

味道 ♥♥♥♥♥
環境 ♥♥♥♥
衛生 ♥♥♥♥
服務 ♥♥♥
抵食 ♥♥♥♥

地址 Address：何文田勝利道4號地下 G/F, 4 Victory Avenue, Ho Man Tin

 

電話 Tel: 2760 0033
營業時間 Business hour：星期一至日 11:00 p.m - 23:30 a.m

借題發揮-- HONG KONG STYLE KEEP KEEP KEEP

上網睇左個VIDEO幾有寓言的

想同大家分享

哥 我就不談政治先

重點想帶出

其實橫視全球 很多很有地方特式的美食

其實很撞款 大同小異

好像香港雞蛋仔

韓國雞蛋糕

日本人形燒

比利時華夫

佢地用料,外形,食法及味道都是大同小異

但何解總是人家總是比較HIGH CLASS同輕香D呢?

總點就是別人都很愛很推崇很為自已的特式驕傲

而且都會保留自已獨有的文化特式

若要別人為HONG KONG(文化)歡呼

  自已先為HONG KONG(文化)歡呼

下次見

.

all pic credit to google

SPD4459 [紅磡] 我的口袋寶貝--媽咪雞蛋仔

                                LONG TIME NO SEEE 

                           相信雞蛋仔真係無咩邊個香港人無食過

(未食過GE真係自摑兩下先)

陪伴大家數十戴相信都帶給大家不同回憶

而我的 

就是放學同班死黨 

每個買D PARTY FOOD上去個同學屋企 開BITCH CONFERENCE

(你懂的 嘿嘿)

每次我買的一定非雞蛋仔莫屬

大件夾抵食啊嘛

差不多每日一底 肥底就是這樣鍊成的 唉

有人會問 周街都有LAA 點解我要食呢間先 ! ! !

老娘食雞蛋仔經驗值都有廿年

呢間真係有質素價錢又公道

有新意又唔會偏離軌道

你知妨間食店經常為創新而創新 搞到D味騎騎呢呢

係質素紀錄保持者 (THUMB UP THUMBUP)

正值休閒時段 都有人龍你知幾搶手LA

(SOR影得衰少少)

雞蛋仔(原味;朱古力;芝麻)其餘仲有WAFFLE同檸檬特飲

原味愛好者的我當然要了原味LA

同行團友就點了朱古力味

終於到我LAA YECH

呢間店鋪誠意十足 

深明剛出爐雞蛋仔放入傳統密封紙袋內

如果唔9秒9食完 

命運只得一個就係被熱氣焗到 濕曬 ! 繼而林曬 ! 最後就食唔曬 !

所以小店特別訂製有透氣LONE LONE紙袋 

務求第一粒到最後果粒雞蛋仔都帶比你美味 外脆內軟的回憶

只能說這粒雞蛋仔真有料

朱古力味絕對濃過COCO可可趣片

但味道又唔覺得太甜WO適合香港人口味(指定飲食節目對白)

但我成日好相想同老闆娘講我想要NUTELLA雞蛋仔

想起都覺得好危險 肥到不歸路

    ! ! ! 哇塞 ! ! !

係有容量 JIT得出來GAA

小見聞

撞正個客發脾氣投訴老闆

問點解行開錦耐番妮都未比到雞蛋仔佢

老闆解釋其實已經整好但見佢錦耐未番

怕耐左 唔夠好味 所以重從新整比佢

唔知大家聽完可以上對話有咩感

想老娘就覺得食店對食物質素好有要求

過唔到自已個關唔會比個客食

對於那刻不趕時間的我 表示甚為欣賞加幾分敬意(SALUTE)

小心德

! ! 排隊狂燥人 避免繁忙時般例如放學放工時段無為食到自已一肚氣LA ! !

有料指數(5個♥為最高)

味道 ♥♥♥♥
環境 ♥♥
衛生 ♥♥♥♥
服務 ♥♥♥
抵食 ♥♥♥♥

地址 Address：紅磡民泰街36號地下K1B舖

電話 Tel: N/A
營業時間 Business hour：星期一至日:12:30-21:00

SPD4459 《養生篇》咋喳 Stay healthy

近年黎由於生活水平有所提升，好多人都開始著重同關注養生既問題。除左一日3餐之外又要下午茶，有時晚飯後甜品或糖水又唔少得。係大家煩惱緊點先可以食得健康既同時，我已經準備好要介紹一款傳統既養生糖水俾大家啦！呢款糖水唔單止可以滿足口腹之慾，仲可以帶來豐富既營養！

【喳咋】

係介紹之前循例都要認識下喳咋既由來既。喳咋個名其實幾有趣，齋聽個名完全唔知係咩黎。其實喳咋又即係「雜雜」，傳說係葡萄牙語「雜糧」的音譯。據說係以前駐守係澳門的兵房，將各種豆類煮成一煲糖水作為午餐而發明既。後來流傳到阿婆在街邊擺賣此種糖水，故又稱為阿婆粥。

最初既喳咋以各種豆類為主，有紅豆、綠豆、眉豆、紅腰豆、三角豆等，後來新式既咋喳仲會加入芋頭、西米、椰漿同淡奶等等，以豐富口感同味道。

喳咋其實係豆類糖水當中最有營養既一款，因為喳咋要用好多種唔同既豆類作為材料，而每種豆都含有唔同既營養價值，例如黑豆含豐富蛋白質、維生素、其中既花青素仲可以清除體內自由基，除左可以達到養顏美容，仲可以促進腸藏蠕動。所以喳咋既營養可謂非常豐富。

唔講咁多，又黎到分享食譜既時間喇！

【椰汁喳咋】食譜分享

材料：花生仁、紅腰豆、赤小豆、綠豆、眉豆、粟米粒、麥米各2 兩 (80克)，煉奶2湯匙，椰汁1杯，白砂糖5兩(187克)，清水適量。做法：

1.將花生仁、紅腰豆、赤小豆、綠豆、眉豆、粟米、麥米等，分別加水浸透，瀝乾。

2.花生仁加水適量煲沸，改微火煲1小時後，加入紅腰豆、赤豆、麥米煲約半小時，續入綠豆、眉豆、粟米煲1小時。

3 .然後加入白砂糖煮溶，加入椰汁煮沸一沸，分装碗中，澆入煉奶即可進食。

腰果糊食譜/資訊轉載自:

http://www.daydaycook.com/recipe/2/details/4091/index.html

Photos credit to Yahoo為食家

https://hk.promotion.yahoo.net/cooking/2014011219215/

SPD4459 ［九龍城］秉承傳統的潮洲合成糖水 Traditional dessert Chiu Chow Hop Shing Dessert

夜晚黎到九龍城同友人食飽飽之後當然唔少得去埋下半場啦！食埋糖水先走係基本既指定動作！

九龍城既甜品舖可謂包羅萬有，西式、泰式、韓式通通應有盡有，但係⋯⋯食得多特別野始終都會開始厭倦。繼上一回既地茂，激起左我去尋覓更有質素既中式糖水。於是我地今次繼續回歸簡撲，又為大家搜羅左一間比較傳統又踏實既中式糖水舖 －合成糖水！！

黎到門前，已經不禁地俾佢懷舊既裝修設計吸引住，呢種設計完全充分表現到舊式香港既味道。

由於我地黎到都只係晚上9點半左右，所以一去到人唔算多，但到我地食完之後人潮就開始湧現。 店舖裏面一張張圓枱加上懷舊味道十足既枱布令人更加懷念舊時既香港。

除左車仔麵檔之外其實真係好少可見到食肆會幾乎將成個廚房搬左出舖面咁濟，更莫講話係甜品舖，不過咁樣就可以同客人有更近距離既接觸，對客人黎講都別有一番體驗。

一坐低就即刻睇左有咩食先。嘩！選擇多到眼都花埋，望住個牌真係會睇到你燥底！而有嚴重選擇困難症既我當然要諗返10分鐘先決定到食咩啦。其間老闆見到我地咁苦惱，都好主動咁介紹左幾款岩我地食既糖水。

最後我同友人都係揀左D最簡單既傳統糖水。登登登登！！

今次我地揀左芝蔴糊、腐竹薏米同埋腐竹雪耳糖水！揀完糖水之後，老闆提議我地加埋清心丸。

上圖透明正方型粒野就係傳說中既清心丸喇。我非常推介大家加入清心丸，清心丸口感煙煙韌韌，感覺似黑珍珠，非常有咬口，可以令到成碗平平無奇既糖水增添左豐富既口感。 不過唔知係咪人越大越唔好嗜甜，我覺得D糖水稍為偏甜，但大致上整體味道都唔錯，可以消暑之餘又滋潤，尤其係有薏米或者雪耳既糖水。

另外呢個芝蔴糊唔會好稀，芝蔴味都頗濃而且好滑。喜歡傳統口味既你可以選擇食呢個芝蔴糊。

溫馨小提示：老闆話食芝蔴糊可以滑腸，可以舒緩便秘既問題架！

由於晚餐食得太飽，本來想叫多幾款糖水同大家分享，但真係食唔落，為有介紹住少少俾大家先啦。以下落黎我地將會繼續努力為你介紹更多更美味更有特色風味既美食！

題外話，其實依家不論係糖水舖或者甜品舖都過分著重於追求創新，繼而忽略左傳統同質量，但係呢間糖水舖咁多年黎仍然可以憑住傳統口味既甜品而迄立不倒，真係唔簡單，大家快D去支持下啦 。

潮洲合成糖水

有料指數(5個♥為最高)

味道 ♥♥♥
環境 ♥♥♥♥
衛生 ♥♥♥♥
服務 ♥♥♥
抵食 ♥♥♥

地址 Address：九龍城龍崗道9號地下G/F, 9 Lung Kong Road, Kowloon City

電話 Tel: 2383 3026
營業時間 Business hour：星期一至日 12:30 p.m - 01:00 a.m